Almatydaǵy tanymal saýda servısiniń 78 paıdalanýshysyn alaıaq aldap ketti, dep habarlaıdy Egemen.kz.
Almaty polısııa departamentiniń tergeý basqarmasy alaıaqtyq jasady degen kúdikpen 29 jastaǵy azamat M.-ǵa qatysty qylmystyq is júrgizýdi aıaqtady.
«Sotqa deıingi tergeý barysynda kúdiktiniń OLX.kz saıtynyń qoldanýshylaryna qatysty 78 aldaý faktisine qatysy bar ekendigi anyqtaldy. Fıshıng ádisin qoldana otyryp, OLX.kz saıtyna uqsas senimsiz siltemelerdi jiberip, kúdikti jábirlenýshilerge, egerde berilgen siltemeler boıynsha ózderiniń banktik málimetterin toltyrǵan jaǵdaıda, taýarlar úshin tólem ala alasyndar dep sendirgen. Kúdiktiniń aıtýynsha, taýarlardy kýrerler alyp ketýi kerek bolǵan. Alaıda jábirlenýshilerdiń kartalarynyń derekterin alǵan M.esimdi er adam, «Wooppay.kz» tólem júıesi arqyly olardyń qarajattaryn óziniń banktik kartalaryna aýdarǵan. Jalpy ol azamattarǵa 2,5 mln teńge kóleminde materıaldyq shyǵyn keltirildi», dedi Almaty polısııa departamenti bastyǵynyń orynbasary Rýstam Ábdirahmanov.
Qazir is boıynsha tergeý aıaqtalǵan.