Bıyl aımaqta 40 aýyldyq okrýgtiń ákimin aýyl turǵyndary saılaıdy. Saılaý ústimizdegi jyldyń 25 shildesinde karantın talaptaryn saqtaı otyryp ótkiziledi. Bul týraly óńirlik kommýnıkasııalar qyzmetinde ótken brıfıngte oblystyq saılaý komıssııasynyń tóraǵasy Ǵalym Baımyrzaev málimdedi, dep jazady Egemen.kz.
«Qazir ózin-ózi usynǵan 41 kandıdattyń 19-y memlekettik qyzmet zańnamasynyń biliktilik talaptaryna saı dep tanyldy. Kandıdattardyń ekeýi - áıel, qalǵany - er adam. Eń jas kandıdat 28 jasta. Saıası partııalardan kandıdattar ázirge usynylǵan joq», dedi Ǵalym Qonaqbaıuly.
Saılaý qorytyndysy úsh kún ishinde qorytyndysy shyǵarylady. Jeti kún ishinde aýmaqtyq komıssııa saılanǵan ákimdi tirkep, keıin ol óz ókilettigin bastaıdy. О́kilettik merzimi - 4 jyl.
Aıta keteıik, aýmaqtyq komıssııanyń kúntizbelik jospary boıynsha kandıdattardy usyný 9 shildede saǵat 18:00-de, al tirkeý 14 shildede saǵat 18:00-de aıaqtalady.