Dúnıejúzilik densaýlyq saqtaý uıymy «delta» shtamy dep ataǵan koronavırýstyń úndilik nusqasynyń saldary basqa túrlerge qaraǵanda aýyr bolýy ábden múmkin. Mundaı pikirdi NBC telearnasynyń efırinde AQSh Allergııalyq jáne ınfeksııalyq aýrýlar Ulttyq ınstıtýtynyń dırektory Entonı Faýchı málim etti, dep habarlaıdy Egemen.kz.
Onyń atap ótýinshe, vırýstyń bul túri áldeqaıda juqpaly bolýy múmkin.
«Ol adamnan adamǵa ońaı juǵady», dedi Entonı Faýchı.
Entonı Faýchı amerıkalyq zertteýshiler tanysyp ótken ǵylymı málimetter boıynsha, atalǵan shtamdy juqtyrǵandardy «aýrýhanaǵa jatqyzýǵa týra keletin, al keı jaǵdaılarda ólimge aparatyn aýyr dertke aparatyndyqtan» «ólim týdyratyn vırýs» ekenin jetkizdi.
Maýsymnyń sońynda AQSh-tyń Aýrýlardy qadaǵalaý jáne aldyn alý federaldyq ortalyqtarynyń basshysy Roshel Valenskı amerıkalyq mamandar delta-shtamnyń zerttep júrgenin málim etti.