Dıplomatııalyq korpýs ókilderimen kezdesti

Olardyń biri – koronavırýs pandemııasymen kúres jumystary jáne indettiń áleý­mettik-ekonomıkalyq saldaryn eńserý bolsa, ekinshisi – Mem­­leket basshysynyń bas­ta­ma­symen qolǵa alynǵan ke­­shen­di reformalardy iske asy­rýdy quqyqtyq turǵydan qam­­­ta­masyz etý. Sondaı-aq M.Áshim­­­baev óz sózinde pan­de­mııa ke­zeń­in­de azamattar men bız­­nes­­­ti qoldaý maqsatymen qa­byl­­­dan­­ǵan mańyz­dy zańdarǵa toqtaldy.«Qazaqstanda azamattarymyzdy qor­ǵaýǵa jáne ekonomıkamyzdy qoldaýǵa arnalǵan daǵdarysqa qarsy aýqymdy sharalar qabyldandy. Byltyr osy maqsatqa 14 mlrd dollardan astam qarajat nemese jalpy ishki ónimniń 9 paıyzy bólindi. Daǵdarysqa qarsy zańdar jedel qabyldanyp otyrdy. Olardyń qatarynda bıýdjetke, Salyq kodeksine túzetýler engizý, bız­nes pen ınvestorlardy qol­daý máseleleri, medısına qyz­met­kerlerine kómek kórsetý týraly jáne basqa zańdar bar», dedi Senat Spıkeri.Sonymen qatar ol el Pre­zı­den­tiniń bastamasymen qol­ǵa alynǵan júıeli re­for­­ma­lardyń iske asyrylýyn zańna­ma­lyq turǵydan qamtamasyz etý jolyndaǵy Par­­­­lamenttiń qyzmeti týraly sóz qozǵa­dy.«Memleket basshysy eli­mizdi jań­ǵyr­tý baǵytynda alda­ǵy maqsat-mindetterdi naq­­ty­­­­laǵan. Olar – eń aldymen, saıası júıe­­ni demo­kratııa­­­lan­dyrý, onyń teń­gerim­­­­­diligin qamtamasyz etý, saıa­sı báse­keles­tikti arttyrý, aza­­mat­­tar­­dyń quqyq­tar­yn iske asy­rý úshin laıyqty jaǵdaı jasaý jáne taǵy basqalary», dedi M.Áshim­­baev.Senat Tóraǵasy el Prezı­den­tiniń jań­­ǵyrtý baǵytyndaǵy basymdyqtar – mem­lekettik basqarýdyń tıimdiligin art­ty­rý, memlekettik organdardyń halyqqa ashyq bolýyn qamt­a­masyz etý jáne ju­mys barysynda azamattardyń pikirlerin eskerý ekenin aıtty. Mundaı tásilder­diń negizi «Halyq únine qulaq asatyn mem­leket» tujy­rym­damasynda aıqyn kór­setilgen.«Qazaqstan Prezıdentiniń áleýmettik saladaǵy reformalary ádil, ınklıýzıvti áleý­mettik saıasatty iske asyrýǵa, bilim berý jáne densaýlyq saqtaý salalaryn jań­­ǵyr­týǵa baǵyttalǵan. Biz ár azamat óz múm­kin­digin iske asyrýyna jáne kó­mekke muq­taj jandardyń nazardan tys qalma­ýy­na basa mán beremiz», dedi M.Áshim­baev.Odan bólek, Senat Spıkeri ekono­mı­kadaǵy basty mindetter – ártaraptandyrý, óńdeý óner­kásibin damytý, shıkizatqa táýeldilikti eńserý, shaǵyn já­ne orta bıznesti júıeli túrde qol­daý ekenin tilge tıek etti. Bul mindetterdiń bári pandemııadan keıingi kezeńdegi basymdyqtarmen úndesedi.«Jalpy, 2020 jyl bastal­ǵaly beri Qa­zaq­stan Parlamenti 175 zań qabyl­dady. Onyń jar­tysy, naqty aıtqanda, 91 zań Memleket basshysynyń eli­mizdi jań­ǵyrtý baǵdaryn iske asyrýdy zańnamalyq tur­­ǵydan qamtamasyz etý úshin qabyl­dandy. Barlyq zań­nyń tórtten biri depý­tat­tar­dyń bastamashyldyǵymen ázir­lendi», dedi Senat Tóraǵasy.Ol sóz barysynda Prezı­dent refor­malary aıasynda qabyldanǵan negizgi zańdarǵa toqtalyp ótti. Máýlen Áshim­baev Memleket basshysy «Qazaq­stan Res­pýb­lı­kasynyń adam quqyqtary salasyn­daǵy odan ári sharalary týraly» Jar­­lyq­qa qol qoıǵanyna da nazar aýdardy.«Osy Jarlyqqa sáıkes biz aldaǵy ýaqytta asa mańyzdy zańdardy qabyldaımyz. Atap aıt­qanda, múgedek adamdardyń quqyqtaryn qorǵaýǵa, áıelderge qatysty kemsitýshiliktiń kez kelgen nysanyn boldyrmaýǵa, qylmystyq sot tóreligi, azap­taý­lar men zombylyqtyń aldyn alý boıynsha azamattardyń quqyqtaryn qorǵaýǵa basymdyq beriledi. Sondaı-aq sot-quqyq qorǵaý júıesin jańǵyrtý jáne sybaılas jemqorlyqty joıý máseleleri de nazardan tys qalmaıdy», dedi Senat Tóraǵasy. Onyń aıtýynsha, Memleket basshysynyń bastamasymen iske asyrylyp jatqan reformalar saıası júıeniń sapaly ózgerýine septigin tıgizedi jáne olar uzaq merzimdi sıpatqa ıe.Sóz sońynda Máýlen Áshim­baev Senat halyqaralyq ynty­maq­tastyqty damytýǵa jáne jańǵyrtý reformalaryn iske asyrýda tájirıbe almasýǵa múd­deli ekenin atap ótti.«Biz elimizde júrgizilip jat­qan ózge­risterge qatysty halyq­aralyq uıym­dar­­dyń, shetel­dik saıasatkerler men sarap­­­­shy­­lardyń usynystaryn únemi na­zarda ustaımyz. Zań qabyl­­daǵan kezde onyń bárin eske­re­miz. Aldaǵy ýaqytta da yn­ty­­ma­q­tastyqqa, ózge elder­diń Par­la­ment­terimen ózara baı­lanys ornatýǵa árdaıym ashyq­pyz», dedi M.Áshimbaev.Kezdesýdi Senat Tóraǵa­synyń orynbasary Nurlan Ábdi­rov júrgizip otyrdy. Is-shara barysynda senator­lar Vla­dımır Volkov, Dáýren Ádil­bekov jáne Dınar Nóke­taeva sóz sóıledi.V.Volkov óz sózinde bıylǵy 5 aıda jalpy qylmystyq isterdiń 68 paıyzy sottarda elektrondy formatta qaral­ǵanyn atap ótti. «Sońǵy jyldary qyl­mystyq sot tóreligin yryqtandyrý jáne quqyq qorǵaý qyzmetin sıfrlandyrý boıynsha aıtarlyqtaı jumys júrgizildi. Aıtalyq, osy jyldyń 5 aıynda jalpy qylmystyq isterdiń 68 paıy­zy sottarda elektrondy for­matta qaraldy. Ákimshilik qu­qyq buzýshylyq boıynsha 90 paıyz elektrondy hattama rásimdeldi. Qyzmettiń mun­daı formaty qylmystyq pro­sess kezeńderiniń ashyqtyǵyn jáne tergeýdiń shynaıylyǵyn qamtamasyz etýge, qaǵaz­bas­tylyqty, burmalaýshylyq fak­tileri men qatelikterdi tó­men­detýge septigin tıgizedi. Eń ma­ńyzdysy – jem­qor­lyq­tyń qysqarýy», dedi senator.D.Núketaeva adam quqyq­taryn qam­ta­masyz etý, áıelder­diń, múmkindikteri shekteýli adam­dardyń, balalardyń múd­de­lerin qorǵaý jóninde baıan­dady. «Biz kóptegen elderdiń Kons­tı­tý­sııalarynda erler men áıelderdiń teń quqyq­tary bekitilgen progress dáýirinde ómir súrip jatyrmyz. Bul elderde áıel­der qoǵamnyń ekonomıkalyq ómirine arala­sady, olardyń daýys berýge, bilimge qol jetkizýge quqyqtary bar. Bizdiń mem­le­ketimiz de álemdik órkenıettiń ajyra­mas bóligi bola otyryp, joǵaryda atal­ǵan qundylyqtardy ustanady», dedi de­pýtat.