Qaraǵandyda múmkindigi shekteýli balalarǵa arnalǵan balalar úıinde fotomektep ashyldy, dep habarlaıdy Egemen.kz.
Áleýmettik jobaǵa kásipkerler demeýshilik jasady. Sabaqtardy kásibı sheber júrgizedi. Oqýshylardyń alǵashqy baıqaýǵa usynǵan jumystary kásibı mamandardy tań qaldyrdy.
«Men foto túsirý isi boıynsha dáristerdi berip kele jatqanyma uzaq ýaqyt boldy. Balalar úıiniń tárbıelenýshilerine sabaq berýdi usynǵanda, men qýana kelistim. Tilek bildirýshilerdi biriktirip, top jınadyq. Ol 14-16 jas aralyǵyndaǵy toǵyz ul men qyz. Balalardyń ár túrli bolǵany óte keremet. Árkimniń óz kózqarasy, qalaýy bar. Jarty jyldyń ishinde olar teorııa men tájirıbede kóp nárseni túsindi», dedi muǵalim Irına Maıer.
Onyń aıtýynsha, dáris berý qarapaıym dúnıeden bastaldy, jabdyqty tańdaý jáne kameranyń parametrleri týraly áńgime júrgizildi. Sodan keıin kompozısııa, tús boıynsha sabaqtar boldy.
Oqýshylar álemdik fotosýrettiń tarıhymen tanystyryldy. Ideıalardy qalyptastyrý, shyǵarmashylyq oılaý – osyndaı erekshelikter de jas fotograftarǵa úıretildi. Eń bastysy, árıne, sýretke túsirý jáne fotosýretterdi kompıýterlik baǵdarlamalardyń kómegimen óńdeý boıynsha tájirıbelik sabaqtar. Jaryqpen jumys isteý sabaqtary stýdııada kásibı jabdyqta ótti.
«Balalar baıqaýǵa bir aı boıy daıyndaldy. Ideıalardyń barlyǵy balalardyń ózderine tıesili. Men jaı ǵana olardy qalaı júzege asyrý kerektigi boıynsha keńes berdim. О́te keremet boldy. Árbir jumystyń óz maǵynasy bar: óz úıińdi tapqyń keletini týraly, mahabbatty baǵalaý kerektigi. Belgisiz ertegi álemderi – sý astynda jáne aı betindegi. Portretterde avtorlar ózderiniń modelderiniń náziktigin, sezimtaldyǵyn barynsha jetkizdi», dedi Irına Maıer.
Konstantın Makarovtyń «Sıqyrly álemderi» qazylar alqasynnyń júregin jaýlap aldy.
Atalmysh jumys birinshi oryn aldy. Kostıa fotosýretterdi montajdaý jáne jýrnaldy retýshıng sheberligin kórsetti. Jumystardyń birinde ol Aıdan Jerge oralý týraly armandaryna erkindik berdi.