Saýda jáne ıntegrasııalar mınıstri Baqyt Sultanov kartop pen sábiz baǵasyna qatysty boljamyn aıtty, dep habarlaıdy Egemen.kz.
«Kartop máselesine kelsek, kórshiles О́zbekstanda da osyndaı problema boldy. Shyn máninde qalyptasqan baǵanyń bir bóligi bizdiń ımporttaýymyzdan paıda boldy, óıtkeni kórshi О́zbekstan da, kórshi Reseı Federasııasy da suranys týdyrdy. Qazirgi ýaqytta kartoptyń baǵasy ózgergenin jáne arzandap jatqanyn kórip otyrmyz. Kúzde de aıtarlyqtaı birneshe esege tómendeıdi dep kútemiz», dedi mınıstr.
Onyń aıtýynsha, sábiz boıynsha da osyndaı jaǵdaı.
«Biraq bıyl sábiz boıynsha ónim jetispeýshiligi barlyq jerde baıqalady, oǵan egis alqaptarynyń qysqarýy sebep boldy», dedi Baqyt Sultanov.