Atyraý oblysynda 121 myńnan astam adam koronavırýs ınfeksııasyna qarsy vaksına saldyrdy, dep habarlaıdy Egemen.kz.
Oblystyq densaýlyq saqtaý basqarmasynyń baspasóz qyzmeti usynǵan aqparatqa súıensek, 1 aqpan men 13 shilde aralyǵynda «Spýtnık V», «QazVac», «Hayat-Vax» vaksınalarynyń I komponentin 121 286 adam saldyrǵan. Vaksınalardyń II komponentin saldyrǵandar sany 63 946 adamǵa jetti.
«О́tken táýlik – 13 shildede koronavırýs ınfeksııasyna qarsy vaksınalardyń I komponentin 3 084 adam saldyrdy. Vaksına alǵandardyń qatarynda 180 pedagog, 85 dáriger, 66 stýdent, 25 memlekettik qyzmetshi, arnaıy mekemelerdiń 18, quqyq qorǵaý organdarynyń 14 qyzmetkeri bar. Sondaı-aq, sozylmaly syrqaty bar 525 pasıent pen jergilikti 2 171 turǵyn vaksına aldy» dep habarlady basqarmanyń baspasóz qyzmeti.