Qazaqstan musylmandary dinı basqarmasyna qarasty kóptegen ımamdar vaksına alǵashqy shyqqan sátten bastap ekpe saldyrdy. Bul týraly Ortalyq kommýnıkasııalar qyzmetinde ótken brıfıngte QMDB tóraǵasy, Bas múftı Naýryzbaı Qajy Taǵanuly habarlady, dep jazady Egemen.kz.
«Sharıǵat vaksınasııaǵa qarsy emes. Vaksınany erikti túrde kez kelgen adam ala alady. Alla Taǵala qasıetti Quranda «О́z qoldaryńyzben óz jandaryńa, densaýlyqtaryńyzǵa zııan tıgizbeńder» deıdi. Qazirgi kezde kóptegen din qyzmetkerleri, ımamdar vaksına aldy. Al ortalyq apparatqa, QMDB-ǵa kelsek, qyzmetkerlerdiń 90 paıyzǵa jýyǵy egildi. Sharıǵat el amandyǵy úshin, adamnyń amandyǵy úshin soǵan úndeıdi, nasıhattaıdy», dedi Naýryzbaı Qajy.