Nur-Sultan turǵyndarynyń 22,4%-y ǵana koronavırýsqa qarsy ımmýnıtetke ıe. Bul týraly Nur-Sultannyń bas sanıtarlyq dárigeri Sarhat Beısenova habarlady, dep jazady Egemen.kz.
«Búgin biz halyqtyń 22,4%-ynda ǵana ımmýnıtet qalyptasty dep aıta alamyz. Onyń 15,8%-y vaksınasııanyń arqasynda, qalǵan 6,6% koronavırýspen aýyryp, jazylyp shyqqan», dedi Sarhat Beısenova ákimdikte ótken brıfıng barysynda.
Bas sanıtarlyq dárigerdiń aıtýynsha, sońǵy kúnderi qalada vaksınasııanyń deńgeıi joǵarylaǵan, kúnine orta eseppen 5000-8000 adam ekpe alady.