Mańǵystaý oblysynda 2030 jylǵa qaraı jylyna 100 myń tonna balyq ósiriledi, dep habarlaıdy Egemen.kz QR Ekologııa, geologııa jáne tabıǵı resýrstar mınıstrliginiń baspasóz qyzmetine silteme jasap.
Mańǵystaý oblysy Aqtaý qalasynda óńirdiń balyq sharýashylyǵyn damytý máseleleri boıynsha kezdesý ótti.
Kezdesýge balyq sharýashylyǵyn damytý jónindegi ýákiletti organnyń, Mańǵystaý oblysy ákimdiginiń, «Atameken» UKP-nyń, «BD - Balyq sharýashylyǵy qaýymdastyǵy» ZTB-nyń, balyq sharýashylyǵy sýbektileriniń jáne oblysta balyq ósirý jónindegi jobalardy iske asyrýǵa daıyn ınvestorlardyń ókili qatysty.
Qatysýshylarǵa balyq sharýashylyǵyn damytýdyń 2021-2030 jyldarǵa arnalǵan baǵdarlamasy tanystyryldy. Bǵdarlamada 2030 jylǵa qaraı ósirilgen balyq kólemin jylyna 270 myń tonnaǵa deıin, onyń ishinde Mańǵystaý oblysynda jylyna 100 myń tonnaǵa deıin ulǵaıtý kózdelgen.
Jalpy, óńirde jumys istep turǵan sharýashylyqtardyń qýatyn keńeıtý, tuqy, bekire, albyrt balyq túrlerin ósirý úshin sýmen qamtamasyz etýdiń tuıyq sıkli bar 20 tor, 1 toǵan, bir sharýashylyq qurý josparlanyp otyr.
Kezdesý barysynda balyq sharýashylyǵy komıtetiniń tóraǵasy N.T.Júnisov qatysýshylardy balyq sharýashylyǵyn memlekettik qoldaý sharalary, onyń ishinde balyq ósirýmen aınalysatyn sýbektiler úshin jasalǵan jaǵdaı, sýbsıdııalaý jáne zańnamany jetildirý sharalary týraly habardar etti.
Sonymen qatar, Ekologııa, geologııa jáne tabıǵı resýrstar mınıstri M.M.Myrzaǵalıev tuıyqtalǵan sýmen qamtamasyz etý qondyrǵysyn paıdalanatyn, «Kazakh osseter» JShS balyq ósirý sharýashylyǵynyń jumysymen, sondaı-aq bekire jáne aqserke ósirý jobalarymen tanysty.