Oblystyq tutynýshylar quqyǵyn qorǵaý departamentiniń basshysy Álem Ýálıevtyń málimetine súıensek, atyraýlyq tutynýshylardan 237 aryz túsken, dep habarlaıdy Egemen.kz QazAqparatqa silteme jasap.
Onyń ishinde 137 aryzdanýshyǵa túsindirý jumysy júrgizilgen. 72 aryzǵa jaýap berilip, tutynýshylardyń 2210343 teńgesi qaıtaryldy.
«23 aryzda qozǵalǵan másele departamenttiń qyzmetine qatysty bolmaǵandyqtan, tıisti organdarǵa joldandy», deıdi Álem Ýálıev.
Departament basshysynyń málimdeýinshe, jyl basynan beri 117 tutynýshy tikeleı jáne baılanys telefony arqyly konsýltatıvtik keńes alǵan.
Al e-tutynushy.kz servıstik platformasyna túsken 12 aryz jazýshynyń jeteýine túsindirý jumysy júrgizilip, beseýiniń talaby qanaǵattandyrylǵan.