«Kasperskıı zerthanasy» pandemııa bastalǵaly beri alaıaqtar otyratyn 5 myńnan astam saıtty anyqtaǵan, dep jazady Egemen.kz.
«Onda koronavırýsqa qatysty qyzmetter usynylady. Sonymen qatar kompanııa saıtqa adam tartý úshin jasalatyn 1 mıllıonnan astam fıshıngtiń aldyn aldy. Alaıaqtardyń ishinde vaksınasııa kezinde beriletin tólem, jeńildikpen PTR-test tapsyrý syndy qyzmetti usynýshylar kóp. Jaqynda kópshilik júretin ǵımarattarǵa esh kedergisiz kirý úshin jalǵan QR-kodtyń jarnamasy tanymal bola bastady», dep jazylǵan kompanııa habarlamasynda.
Sarapshylardyń aıtýynsha, koronavırýsqa baılanysty osyndaı alaıaqtyq áreketter naýryz aıynda kóp tirkelgen. Keıin sany azaıǵany baıqalǵan.
«Maýsym aıynda qaıta jandandy. Osy aıda kompanııa aldyńǵy aıǵa qaraǵanda 14%-ǵa kóp fıshıngtik resýrstardy anyqtap, buǵattady. Alaıaqtardyń maqsaty - paıdalanýshy týraly málimet alý. Olar bul úshin fıshıng ádisin jıi qoldanady, ıaǵnı adamdarǵa túrli silteme jiberip, jeke aqparat pen bank kartochkalarynyń derekterin jazýdy suraıdy. Mundaı aqparatty esepshottardan aqsha urlaý úshin qoldana alady. Bizdiń zertteýimiz boıynsha, qazaqstandyqtar ınternettegi alaıaqtardan aıtarlyqtaı zardap shegedi. Alaıaqtar da adam tartý úshin qazirgi kezdegi eń aýyr taqyrypty, koronavırýsty, paıdalanyp jatyr», deıdi «Kasperskıı zerthanasynyń» Ortalyq Azııadaǵy kommersııalyq dırektory Valerıı Zýbanov.