Qaraǵandy oblysynda onlaın formatta óńir basshysy Jeńis Qasymbektiń tóraǵalyǵymen jastar isi jónindegi keńestiń otyrysy ótkizildi. Otyrys barysynda jastardy turǵyn úımen qamtamasyz etý jáne óńirdiń jastar resýrstyq ortalyqtarynyń qyzmeti máseleleri talqylandy, dep habarlaıdy Egemen.kz.
Qazirgi ýaqytta oblysta 8 myńǵa jýyq jas turǵyn úı kezeginde tur.
«Turǵyn úı alýǵa kezekte turǵan jastardyń jalpy sanynan kópshiligi jetim balalar jáne ata-anasynyń qamqorlyǵynsyz qalǵan balalar sanatyna jatady. Olar úshin oblys ákiminiń tapsyrmasy boıynsha 2020–2022 jyldarǵa arnalǵan turǵyn úımen qamtamasyz etýdiń keshendi jospary ázirlendi. Birinshi jartyjyldyqta 72 páter berildi», dedi jastar saıasaty máseleleri basqarmasynyń basshysy Birjan Álimjanov.
Sondaı-aq otyrysta jas mamandar úshin qoljetimdi ıpoteka týraly másele kóterildi.
«Qazir jumys krıterıılerin anyqtaý úshin «Otbasy bankpen» kelissózder júrgizilýde. «Jastar ıpotekasy» óńirlik baǵdarlamasy jas qaraǵandylyqtardy qoldaýdyń mańyzdy quralyna aınalady. О́kilderi jeńildetilgen ıpotekalyq nesıelendirýge úmittene alatyn mamandyqtar tizimin muqııat qarastyrýdy tapsyramyn», dedi Jeńis Qasymbek.