Tokıoda ótetin Paralımpıada oıyndaryna qatysatyn Qazaqstan quramasynyń tizimine atyraýlyq jeti sportshy endi, dep habarlaıdy Egemen.kz.
Oblystyq sport jáne dene shynyqtyrý basqarmasynyń baspasóz qyzmetiniń aqparatyna súıensek, bári de túrli halyqaralyq jarysta júldeger atanǵan.
«Paralımpıada oıyndarynda el namysyn qorǵaıtyn sportshylardyń qatarynda atyraýlyq bes paradzıýdoshy bar. Olar – Ánýar Sarıev, Temirjan Dáýlet, Ǵalymjan Smaǵululy, Zarına Baıbatına men Janbota Amanjol. Sondaı-aq, júzýshi Erjan Sálimgereev pen taekvondoshy Nurlan Dombaev ta baq synaıdy», dep habarlady basqarmanyń baspasóz qyzmeti.