IIM eńbek kóshi-qony men bosqyndar máselesin QR eńbek jáne halyqty áleýmettik qorǵaý mınıstrligine tapsyrady, dep habarlaıdy Egemen.kz Polisia.kz saıtyna silteme jasap.
El Prezıdenti Qasym-Jomart Toqaev qazirgi álemde eńbek kóshi-qony jahandyq sıpatqa ıe bolyp, el damýynyń ekonomıkalyq jáne áleýmettik deńgeıimen tikeleı baılanysty ekenin birneshe ret atap ótti.
Osyǵan baılanysty Ishki ister mınıstrliginen Eńbek jáne halyqty áleýmettik qorǵaý mınıstrligine kóshi-qon prosesterin retteýge jáne eńbek kóshi-qonyna baılanysty kóshi-qon salasyndaǵy fýnksııalardyń úshten birinen astamy tapsyrylatyn bolady.
Memleket basshysy «Qazaqstan Respýblıkasynyń Memlekettik basqarý júıesin odan ári jetildirý jónindegi sharalar týraly» jarlyqqa 19 shildede qol qoıdy.
2022 jyldyń 1 qańtarynan bastap IIM vedomstvoaralyq úılestirýmen, kóshi-qon prosesterin retteý jáne monıtorıngileý salasyndaǵy sharalar júıesin ázirleýmen, bosqyn mártebesin berýmen, sondaı-aq kóship kelýshilerge ruqsattar berýmen aınalyspaıdy. Bundaı ózgerister quqyq qorǵaý júıesin reformalaý jáne ishki ister organdaryn olarǵa tán emes fýnksııalardan bosatý sheńberinde engizildi.
Kóshi-qon salasyndaǵy fýnksııalardy azamattyq vedomstvoǵa berý kóshi-qon zańnamasynyń saqtalýyn jáne azamattardyń quqyqtaryn qorǵaýdy qamtamasyz etýge baǵyttalǵan. Osylaısha, ishki ister mınıstrligi Kóshi-qon salasyndaǵy memlekettik basqarý júıesin ońtaılandyrý úshin bizdiń el qabyldaǵan baǵytty tolyǵymen ustanady.
Zańsyz kóshi-qonnyń, zańsyz kóship kelýshilerdiń readmıssııasynyń jolyn kesý, Qazaqstan Respýblıkasynan ketýge jáne elge kelýge vızalar berý, sondaı-aq halyqty jáne azamattyqty qujattandyrý jónindegi ókilettikter IIM qaramaǵynda qalady.