Batys Qazaqstan oblysy Báıterek aýdanyna qarasty Jaıyq aýyly mańyndaǵy sý qoımasynda 6 jasar bala sýǵa ketip qalǵan dep habarlaıdy Egemen.kz.
25 shilde kúni saǵat 17.15. shamasynda Tótenshe jaǵdaılar departamentiniń qutqarýshylar toby Báıterek aýdany Jaıyq aýyly mańyndaǵy «Karer» sý qoımasynan 2014 jyly týǵan balanyń denesin alyp shyqqan. Tótenshelikterdiń málimdeýinshe, sýǵa túsýge tıym salynǵan mańda jas bala eresekterdiń qadaǵalaýynsyz qalyp qoıǵan.
Jyl basynan beri Batys Qazaqstan oblysynda 23 adam sýǵa ketken, onyń 9-y – kámeletke tolmaǵan bala.