Jeke derekter jelige tarap ketti

Bul týraly «Memlekettik teh­nıkalyq qyzmet» AQ-nyń KZ-CERT Kompıýterlik ınsıdent­terge áreket etý qyzmeti habarlady.

«Memlekettik tehnıkalyq qyzmet» AQ KZ-CERT Kompıý­terlik ınsıdentterge áreket etý qyz­meti Internettiń qazaq­stan­dyq segmentine monıtorıng jasaý barysynda Telegram-ak­kaýnt­tardyń birinen Telegram messendjerin qoldanýshylardyń jeke derekteri týraly 744 myń jazba jınaqtalǵan faıldy tapty. Taldaý barysynda faılda qoldanýshynyń ID-i, aty, tegi, telefon nómiri jáne «ózim týraly» baǵanyndaǵy qoldanýshynyń jazbasy syndy jeke derekter bar ekeni anyqtaldy. Onyń ishinde 30 myń akkaýnt qazaqstandyq telefon nómirlerine tirkelgen bolyp shyqty», dep málimdedi «Mem­lekettik tehnıkalyq qyz­met» AQ KZ-CERT baspasóz qyzmeti.

Faıl tabylǵan Telegram-ar­nanyń avtory ony  «Glaz Boga» plat­formasynyń klıentter bazasynan dep bergen. Bul arnanyń 1 mln-nan astam qoldanýshysy bar. TMD elderindegi eń iri ser­vıs bolyp sanalatyn kanal aqparattardy áleýmettik j­elilerden, messendjerlerden suraý salý arqyly jáne izdeý júıeleri se­kildi basqa da derek­kózderden jı­naqtaıdy.

Derbes derekterdiń osylaı jelige taralyp ketýi ıesine zııan keltiredi. Mundaı jeke derekterdi bógde adamdar áleýmettik ınje­nerııada aqparat alý quraly re­tinde qoldanýy nemese jeke bank­tik derekterdi alý maqsatynda qo­ńyraýlar soǵý, habarlamalar jó­neltý retinde paıdalanýy múmkin.

«Osyǵan baılanysty Inter­nettiń barlyq segmentin paıdalanýshy  qazaqstandyqtarǵa aıtarymyz, kıbergıgıenany qatań saqtańyzdar. Internette jeke derbes derekterdi engizý kezinde ási­resaq bolyp, qyraǵylyq tanytqan jón jáne úshinshi tulǵalarǵa jeke derekter týraly aqparatty taratpaýyn suraımyz», deıdi mamandar.

Eske sala ketsek, kompıý­terlik ınsıdentterge áreket etý or­talyǵy (KZ-CERT) – kom­pıý­terlik qaýip­sizdik qaýipteriniń aldyn alýda paıdalanýshylarǵa kon­sýl­tatıv­tik jáne tehnıkalyq qoldaýdy, kompıýterlik ınsıdentter jó­nindegi aqparattardy jınaý men taldaýdy qamtamasyz etetin biryńǵaı ortalyq.

«Egemen-aqparat»