AQSh prezıdenti Djo Baıden men Irak premer-mınıstri Mustafa ál-Kazymı Iraktaǵy amerıkalyq áskerı mıssııany toqtatý týraly kelisimge qol qoıdy, dep habarlaıdy Egemen.kz Reuters agenttigine silteme jasap.
Eki tarap arasynda ornaǵan kelisimge sáıkes, AQSh Iraktaǵy áskerı mıssııasyn osy jyldyń sońyna deıin resmı túrde aıaqtaıdy. Bul – Amerıka áskerleri alǵash ret elge jiberilgennen keıin 18 jyl ótken soń bolǵaly turǵan oqıǵa. AQSh prezıdenti Djo Baıden men Irak premer-mınıstri Mustafa ál-Kazymı arasyndaǵy alǵashqy betpe-bet kezdesý elderdiń strategııalyq dıalogy aıasynda Aq úıde ótti.
«Bizdiń Iraktaǵy mıssııamyz jalǵasady. Birlesken jattyǵýlardy jalǵastyramyz, terrorıstik toptarǵa qarsy kúreske kómektesip, qajetti jaǵdaılardy jasaıtyn bolamyz. Alaıda osy jyldyń sońyna deıin áskerı mıssııamyzdy toqtata turamyz», dedi Djo Baıden.
Kelisimge qol qoıylǵan sátten bastap, AQSh Irak armııasyn qorǵaýǵa daıyndyq pen qoldaý kórsetetin bolady.
Irak pen AQSh-tyń birlesken málimdemesinde densaýlyq saqtaý, energııa jáne basqa da máseleler týraly kelisimder qozǵaldy.
AQSh Irakqa COVAX baǵdarlamasy aıasynda 500 000 Pfizer/BioNTech vaksınalaryn jetkizýge nıetti. Amerıka prezıdentiniń aıtýynsha, jetkizý jumystary birneshe apta ishinde júzege asyrylady.
Sondaı-aq AQSh qazan aıynda BUU-nyń Iraktaǵy aldaǵy saılaýdy baqylaý mıssııasyn qarjylandyrý úshin 5,2 mıllıon dollar bóletin boldy.