«Qazaqstan temir joly» UK» AQ Basqarma Tóraǵasy Nurlan Saýranbaev О́zbekstan Respýblıkasy Kólik mınıstri Ilham Mahkamov jáne «Ýzbekıston temır Iýlları» AQ basshylyǵymen temir jol salasyndaǵy baılanystar jóninde kelissózder júrgizdi, dep jazady Egemen.kz QTJ baspasóz qyzmetine silteme jasap.
Kezdesý barysynda taraptar eki el arasyndaǵy temir jol kóligimen júk tasymaldaý qarqynyna tıimdi tarıf saıasaty septigin tıgizip otyrǵany tilge tıek etti. 2021 jyldyń alty aıynda 12 mln tonnadan astam júk tasymaldanǵan.
Taraptar temir jol kóligi salasyndaǵy baılanysty damytý jónindegi úkimetaralyq bastamalardy iske asyrý úshin tasymal kólemin odan ári ulǵaıta túsý máselelerin talqylady. Atalǵan bastama aıasynda Qazaqstan men О́zbekstan arasynda jańa temir jol jelisin salý jobasy iske asa bastady. Onyń ishinde Darbaza – Maqtaral jobasy da bar. Jańa jeli О́zbekstanmen qarym-qatynasta qosymsha múmkindikter ashyp, Saryaǵash-Keles shekara ótkelindegi keptelisti azaıtady.
Kelissózder barysynda «ÝzbekTemırIýlEkspedısııa» jáne «ÝzbekTemırIýlKonteıner» kompanııalarynyń «Transkaspıı halyqaralyq kólik marshrýty» qaýymdastyǵy múshesi retinde qatysý múmkindikteri qarastyryldy.
Taraptardyń aıtýynsha, bul jańa naryqty damytýǵa jáne transkontınentaldy júk tasymaly aǵynynyń artýyna jol ashady.