Qazaqstan aımaqtaryndaǵy epıdemıologııalyq jaǵdaıdyń nasharlaýy kezinde polısııa 2 myńnan astam jıyn-toı anyqtady. Bul týraly OQK brıfınginde Qazaqstan Respýblıkasy Ishki ister mınıstriniń orynbasary Arystanǵalı Zapparov málimdedi, dep jazady Egemen.kz.
Zapparovtyń aıtýynsha, jyl basynan beri 144 myń reıd ótkizilgen.
Nátıjesinde karantın talabyn buzǵan 22 myń jaǵdaı, oıyn-saýyq mekemeleriniń jumysyndaǵy 8,5 myńǵa jýyq zań buzýshylyq, onyń ishinde 2 myńǵa jýyq jıyn-toı uıymdastyrý faktisin tirkedi.