29 maýsymda Seýldegi QR Elshiliginde Qurmetti konsýldyń patentin jáne «Dongil Highvill» Ońtústik Koreıalyq kompanııasynyń Prezıdentine ekzekvatýra tapsyrý rásimi ótti, dep habarlaıdy Egemen.kz QR Koreıadaǵy elshiligine silteme jasap.
Qazaqstan Respýblıkasynyń Koreıa Respýblıkasyndaǵy jańadan taǵaıyndalǵan qurmetti konsýly Ko Dong Hıon Qazaqstan men Koreıanyń dıplomatııalyq qarym-qatynasy tarıhyndaǵy osyndaı mańyzdy laýazymǵa alǵashqy bolyp taǵaıyndaldy..
Qazaqstannyń Ońtústik Koreıadaǵy Qurmetti konsýlynyń negizgi qyzmeti azamattarymyzdyń quqyqtaryn qorǵaý jónindegi jumysty kúsheıtýge, sondaı-aq ekonomıka, mádenıet, bilim jáne ǵylym salasyndaǵy yntymaqtastyqty damytýǵa járdemdesýge baǵyttalatyn bolady.
Qurmetti Konsýl jumysynyń ıýrısdıksııasyna Chhýnchhonnam-do, Chhýnchhonbýk-do, Chhollanam-do, Chhollabýk-do, Kıongsannam-do, Kıongsanbýk-do jáne Kanvon-do provınsııalary kiredi.