Oblystyq polısııa departamenti baspasóz qyzmetiniń málimetinshe, bir aptada aıyppulyn tólemegen 56 avtokóliktiń ıesi anyqtalyp otyr, dep habarlaıdy Egemen.kz.
«Atalǵan avtokólikterdiń júrgizýshileri jyldamdyqty asyrý, jol belgisi talaptaryn oryndamaý, baǵdarshamnyń tyıym salynǵan túsinen ótý qaǵıdalaryn buzǵany úshin «Sergek» kameralaryna túsken. Patrýldik polısııa qyzmetkerleri 30 shildede saǵat 11:10 shamasynda Mahambet kóshesi men Beıbarys dańǵylynyń qıylysynda «Toyota Camry» avtokóligin toqtatty. Armenııadan ákelingen kólikti 1974 jyly týǵan áıel basqarǵan. Tekserý kezinde atalǵan ıesiniń 1 mln 38 452 teńgeni quraıtyn 54 aıyppuldy tólemegeni anyqtaldy», dep habarlady departamenttiń baspasóz qyzmeti.
Qazir QR Ákimshilik quqyqbuzýshylyq týraly Kodeksiniń 785-babyna sáıkes aıyppulyn tólemegen júrgizýshiniń armenııalyq kóligi arnaýly turaqqa qoıyldy.