Eýropalyq komıssııanyń tóraǵasy Ýrsýla fon der Lıaıen AQSh-ty eýropalyq saıahatshylardyń kirýine ruqsat berýge shaqyrdy, dep habarlaıdy Egemen.kz.
Bul týraly Deutsche Welle basylymy málimdedi. Maýsymnan bastap EO bloktyń 27 eline AQSh saıahatshylaryna kirýge ruqsat berýdi usyndy. Alaıda Eýropadan AQSh-qa barǵan saıahatshylarǵa qatysty tyıym áli de saqtalǵan.
«Biz eki jaqqa da keletinderge salystyrmaly erejelerdi qoldanýdy talap etemiz. Bul máseleni tezirek sheshýimiz kerek. Bul birneshe aptaǵa sozylmaýy kerek», dedi EO basshysy.
Fon der Lıaıen AQSh pen EO elderindegi epıdemıologııalyq jaǵdaı «óte uqsas» ekenin aıtty.Basylym málimetinshe, EO koronavırýs ınfeksııasyna qarsy vaksınalardy taratýda AQSh-tan alda keledi. Osylaısha, vaksınanyń alǵashqy dozasyn AQSh-ta 57,8 paıyz, eýropalyq blok halqynyń 59,3 paıyzy alǵan.
AQSh aýrýlardy baqylaý jáne aldyn alý ortalyǵynyń (CDC) málimeti boıynsha, qazirgi ýaqytta Shtattarda ortasha eseppen 66,606 jańa jaǵdaı tirkelgen.
EO keńesi maýsymda Shengen elderine AQSh, Avstralııa, Izraıl, Japonııa, Ońtústik Koreıa, Rýanda jáne Qytaı kirgen elder tiziminen saıahatshylarǵa kirýge ruqsat berýdi usyndy. Sonymen qatar Ulybrıtanııa AQSh-tan tolyq vaksına alyp kelgen saıahatshylar úshin mindetti karantındi alyp tastady.
Alaıda, Amerıka Qurama Shtattary Úndistannyń «delta» shtamynyń taralýyna baılanysty shekteýlerdi saqtap qaldy.