Atyraý qalalyq No2 soty esirtki tasymaldaý kezinde ustalǵan eki polısııa qyzmetkerin 7 jylǵa bas bostandyǵynan aıyrdy, dep habarlaıdy Egemen.kz,
Qalalyq sot baspasóz qyzmetiniń habarlaýynsha, ákimshilik polısııanyń eki qyzmetkeri Almatydan marıhýananyń iri partııasyn satyp alyp, motosıkl shınasymen tasymaldaǵan. Olar 14 aqpanda Atyraý-Dossor tas jolynda ustaldy.
Sotqa deıingi tergeý Qazaqstan Respýblıkasy Qylmystyq kodeksiniń 297-baby 3-tarmaǵy boıynsha júrgizildi. Sot aıyptalýshylardyń quqyq qorǵaý organynda qyzmet etý kezinde aýyr qylmys jasaǵanyn jáne antty buzǵanyn eskerdi. Polıseılerdi sheninen aıyryp, árqaısysyn 7 jylǵa sottady.