A.Soı Atyraý oblysyndaǵy epıdemıologııalyq ahýal jónindegi óńirlik shtab otyrysyn ótkizdi, dep jazady Egemen.kz DSM baspasóz qyzmetine silteme jasap.
Atyraý oblysynda ınfeksııalyq stasıonarlardaǵy tósek oryn júktemesiniń ósýi baıqalady.
О́ńirde 16 stasıonar bar, onyń jeteýi aýdandarda, toǵyzy Atyraý qalasynda ornalasqan. Qalanyń tósek-oryn qorynda anyq júkteme bar, alty stasıonardyń tórteýinde júkteme 97%-dy, jalpy Atyraýda ınfeksııalyq tósek oryn 60%-dy, reanımasııalyq tósekter-67%-dy quraıdy, ári qaraı ósý úrdisi baıqalady.
«Bul jaǵdaı úlken alańdaýshylyq týǵyzady, óıtkeni bul tósek qorynyń jetispeýshiligine jáne tıisinshe halyq úshin stasıonarlyq kómekke qoljetimdiliktiń tómendeýine ákelýi múmkin», dep atap ótti Densaýlyq saqtaý vıse-mınıstri Ajar Gınııat.
QR DSM jumys toby Atyraý qalasynyń 5 emhanasynda, eki jeke emhanada jáne eki aýdandyq aýrýhanada kóshpeli monıtorıng júrgizdi. Mobıldik brıgadalar sanynyń jetkiliksizdigi, KMAJ-ǵa shaqyrtýlardyń ýaqtyly engizilmeýi atap ótildi, bul óz kezeginde bir mobıldik brıgadanyń naqty júktemesin kórsetpeıdi. Mobıldik brıgadadaǵy dárigerlerdiń ýchaskelik qabyldaýdaǵy jumysty qatar alyp júrýi de anyqtaldy, bul sanepıd rejımge qaıshy keledi.
Barlyq medısınalyq uıymda naýqastardy ambýlatorııalyq baqylaý monıtorıngi tıisti deńgeıde júrgizilmeıdi, chek-paraqtar sapasyz júrgiziledi, KVI emdeýdegi klınıkalyq hattamalardyń saqtalmaýy jáne KVI anyqtalǵan egde jastaǵy naýqastardy baqylaý kezinde dáriger tarapynan qyraǵylyqtyń tómendigi baıqaldy.
A.Soıdyń pikirinshe, Atyraý oblysynda koronavırýstyń taralýyna halyqtyń ınfeksııalyq saqtyqtyń sharalaryn, sanıtarlyq-epıdemıologııalyq talaptardy saqtalmaýy yqpal etti.
О́ńirdiń densaýlyq saqtaý basqarmasyna shuǵyl túrde oryndalýǵa tıis birqatar usynys berildi.