Oblystyq sanıtarııalyq-epıdemıologııalyq baqylaý departamenti «qyzyl» mártebesi bar 27 adamnyń tizimi jarııalady, dep habarlaıdy Egemen.kz.
Departamenttiń baspasóz qyzmeti taratqan aqparatqa qaraǵanda, «qyzyl» mártebemen qydyryp júrgenderdiń arasynda 21 adam Atyraý qalasynda tirkelip otyr. Al, Jylyoı, Qyzylqoǵa, Maqat, Inder aýdandarynda – 1, Mahambet aýdanynda 2 adamnan «qyzyl» mártebe anyqtalǵan.
«Bular – koronavırýs ınfeksııasymen syrqattanǵan jáne naýqaspen qarym-qatynasta bolǵany úshin úı jaǵdaıynda oqshaýlanǵan adamdar. Alaıda, olar 14 kúnge ózin-ózi oqshaýlaý rejımin buzǵan. Sol sebepten, «qyzyl» mártebesi bar 27 adamǵa QR Ákimshilik quqyq buzýshylyq týralyKodeksiniń 425-babynyń 1-tarmaǵyna sáıkes hattama toltyrylyp, aıyppul túrinde ákimshilik shara qoldanyldy» dep habarlady departamenttiń baspasóz qyzmeti.