Atyraýdaǵy jansaqtaý bóliminde qaýipti vırýsqa shaldyqqan 95 naýqas oqshaýlanǵan, dep habarlaıdy Egemen.kz.
Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, ınfeksııalyq stasıonarlarda koronavırýs ınfeksııasyn juqtyrǵan 1 676 naýqas emdelip jatyr.
«Qazir 3 012 tósek-orny bar stasıonarlardaǵy júkteme 55,6%-dy quraıdy. Al, 114 tósek-orynǵa arnalǵan jansaqtaý bóliminde jaǵdaıy aýyr 95 naýqas emdelip jatyr. Onyń ishinde 12 pasıent ókpeni jasandy jeldetý apparatyna qosylǵan. Bul bólimdegi júkteme 83,3%-ǵa jetti», dep málim etti basqarmanyń baspasóz qyzmeti.