Ortalyq Azııa memleketteri basshylary Konsýltatıvtik kezdesýiniń qorytyndysy boıynsha Birlesken málimdeme qabyldandy.
Taraptar Ortalyq Azııadaǵy qaýipsizdik pen turaqtylyqty saqtaý men nyǵaıtýdyń mańyzdy faktorlarynyń biri kórshiles Aýǵanstandaǵy jaǵdaıdy tezirek retteý ekenin rastady. Olar aýǵan qoǵamynda azamattyq beıbitshilik pen kelisimge tezirek qol jetkizýge barynsha kómek kórsetýge daıyn ekendikterin bildirdi.
Prezıdentter ózara saýda qurýdyń mańyzyn jáne aımaqtaǵy saýda rásimderin ońaılatý máselesin tıimdi sheshý úshin ortaq ózara tıimdi tásilderdi odan ári damytý qajettigin atap ótti.
Taraptar Ortalyq Azııa ónerkásipshileri men kásipkerleriniń besjaqty keńesin qurý qajettigin aıtty. Memleketter basshylary Qazaqstan Respýblıkasy Prezıdentiniń BUU aıasynda Aýrýlar jáne bıoqaýipsizdikti baqylaý jónindegi óńirlik ortalyqtar jelisin qurý, sondaı-aq BUU aıasynda arnaıy kópjaqty organ – BUU Qaýipsizdik Keńesine esep beretin Bıologııalyq qaýipsizdik jónindegi halyqaralyq agenttik qurý týraly bastamasyna qoldaý bildirdi.
Taraptar ǵylymı dıplomatııa arqyly ózara árekettestikti jandandyrýǵa, medısına ǵalymdary men bilim salalary mamandarynyń júıeli baılanysy úshin barlyq qajetti jaǵdaıdy jasaýǵa kelisti.
Ortalyq Azııa elderiniń basshylary vırýstar men basqa ınfeksııalardyń shyǵý sıpatyn, olar týdyratyn aýrýlardyń kóriný formalaryn, juqpaly aýrýlardy emdeý men aldyn alý ádisterin zertteýdiń aımaqtyq mehanızmin qurý máselesin qarastyrýdy qajet dep sanaıdy.
Sonymen qatar memleketter basshylary syrtqy saıası vedomstvolarǵa 2022-2024 jyldarǵa arnalǵan óńirlik yntymaqtastyqty damytý jónindegi jol kartasy jobasyn bekitý jumystaryn jýyq arada aıaqtaýdy, Ortalyq Azııa memleketteri basshylarynyń kelesi Konsýltatıvtik kezdesýinde XXI ǵasyrda Ortalyq Azııany damytý maqsatynda dostyq, tatý kórshilik jáne yntymaqtastyq týraly shartqa qol qoıýdy daıyndaýdy tapsyrdy.