Qytaıdaǵy Ýhan qalasynyń bıligi vırýs qaıta kúsheıgen soń 11 mıllıonnan astam qala turǵynyn koronavırýs testinen ótkizgenin habarlady, dep jazady Egemen.kz Orta Azııa jańalyqtar qyzmetine silteme jasap.
Ýhan bıliginiń ókili Lı Taonyń aıtýynsha, bes kún ishinde qala turǵyndarynyń 6 jasqa deıingilerin qospaǵanda, bárinen PTR test alynǵan.
Jappaı test naýqany kezinde 9 adamnan koronavırýs anyqtalyp, barlyǵy karantınge jiberilgen.
Sońǵy málimet boıynsha, qalada koronavırýs juqtyrǵandar sany 37 adamǵa jetken. Odan bólek, 41 adam koronavırýstyń «sımptomsyz» túrine shaldyqqan.
Qala bıliginiń habarlaýynsha, PTR test tapsyratyn 2800 pýnktide 28 myńnan astam medısına qyzmetkeri jumys istegen.