Qostanaı oblysynda eki jastaǵy bala tereńdigi segiz metr bolatyn sý qudyǵyna qulady. Bul týraly QR Tótenshe jaǵdaılar mınıstrliginiń resmı ókili Talǵat Ýálı málimdedi, dep habarlaıdy Egemen.kz.
Oqıǵa 10 tamyz kúni Qostanaı oblysynyń Sadchıkovka aýylynda saǵat 17.25-te bolǵan. Qutqarýshylar saǵat 17.54-te kelgen kezde bala esin bilip jatqan.
«Qutqarýshylar mán-jaıdy baǵalaǵannan keıin, balaǵa zııan keltirmeı, qudyqqa parallel shuńqyr qazýdy bastady. Ol 3,5 metr tereńdikte boldy. Qutqarýshylar balany qudyqtan saǵat 19.20-da shyǵaryp, medısınalyq kómek kórsetý tobyna tapsyrdy», dedi Talǵat Ýálı.
Oqıǵa ornynda jedel qutqarý jasaǵynyń 9 qyzmetkeri men 2 tehnıka jumys istedi. Aýyl turǵyndary da kómekke keldi.
Tótenshe jaǵdaılar mınıstrligi balalardy úlkenderdiń qaraýynsyz qaldyrmaýǵa shaqyrady.