Saýda mınıstrliginiń alqa májilisinde «Taýarlardyń ulttyq katalogy» jobasyn ázirleý barysy talqylandy, dep habarlaıdy Egemen.kz.
Vedomstvo vıse-mınıstri Ásel Janasovanyń aıtýynsha, Taýarlardyń ulttyq katalogynyń jobasyn ázirleý «Qazaqtelekom» AQ-men birlesip júrgizilip jatyr.
Jobanyń maqsaty – naryqqa qatysýshylar úshin taýardyń sıfrlyq pasportyn usyný.
«Búginde 2021 jylǵy 1 qazannan bastap áleýmettik mańyzdaǵy azyq-túlik taýarlaryn kodtaý boıynsha pılottyq jobany ótkizý boıynsha ádistemelik usynymdar bekitildi, sondaı-aq ınterfeıs maketi ázirlendi», dep túsindirdi Ásel Janasova.
Vıse-mınıstr óz baıandamasynda katalogta medıa kontent, salmaq-kólem jáne basqa da tutyný sıpattamalary bar taýarlardyń sıfrlyq kóshirmeleri qamtylatynyn, al 2021 jyldyń sońyna deıin katalogta 30 000 taýar túri qoljetimdi bolatynyn habarlady.