11 tamyzda Nur-Sultan qalasynda karantın talaptaryn buzǵan 9 mekeme ákimshilik jaýapkershilikke tartyldy, dep habarlaıdy Egemen.kz qala ákimdiginiń resmı saıtyna silteme jasap.
Esil aýdanyndaǵy «Panaehalı» barynda elordanyń bas sanıtarlyq dárigeri qaýlysynyń talaptary buzylǵany anyqtaldy. Kelýshiler men mekeme ákimshiligi maska rejımin saqtamaǵan, sonymen qatar kalıan shekken.
Saryarqa aýdanynda karantın talabyn buzýshylar tizimine «Pivovaroff» meıramhanasy, «PS4» oıyn klýby endi.
Almaty aýdanynda belgilengen ýaqyttan keıin «Bar Graff.in», «Kýry Grıl» ashanasy, «Ryba moeı mechty» karaoke bary jumysyn jalǵastyrdy.
Baıqońyr aýdanynda ornalasqan «Panaehalı», «Shashlykoff» barlarynda, «Jasmın» kafesinde karantın saqtalǵan joq.
Tártip buzýshylarǵa qatysty jınalǵan materıaldar ákimshilik sharalar qabyldaý úshin sanıtarlyq-epıdemıologııalyq baqylaý salasyndaǵy ýákiletti organǵa berildi.