Aımaqtaǵy 21 aýyl men aýyldyq okrýg ákimderine 4 mıllıon teńgeden astam aıyppul tóleýge týra keledi, dep jazady Egemen.kz.
«Jol-kólik oqıǵalarynyń aldyn alý, oblys joldaryndaǵy jaraqattaný men ólim-jitim deńgeıin tómendetý úshin ishki ister bólimi paıdalanymdaǵy joldardy, onyń ishinde, respýblıkalyq jáne jergilikti mańyzy bar avtomobıl joldaryn únemi tekserip otyrady», dep habarlady departamenttiń baspasóz qyzmeti.
«Pavlodar oblysyndaǵy avtomobıl joldarynyń jalpy uzyndyǵy 5441,1 km-di quraıdy. Jyl basynan beri biz jalpyǵa ortaq paıdalanylatyn avtomobıl joldaryna 890 zertteý júrgizdik, onyń barysynda 2027 talapqa saı emes aqaýlar anyqtaldy. Saýalnama nátıjeleri boıynsha anyqtalǵan kemshilikterdi joıý boıynsha 895 buıryq shyǵaryldy. Ákimshilik jaýapkershilikke 140 laýazymdy jáne zańdy tulǵa tartyldy, onyń ishinde, 21 aýyl men aýyldyq okrýg ákimderi», dedi ákimshilik polısııa bóliminiń bastyǵy Nurjan Tańatarov.
Barlyq tártip buzýshylarǵa jalpy somasy 4 mıllıon teńgeden astam aıyppul salyndy. Sondaı-aq polısııa 92 ótkeldi tekserip, qajetti jol belgileriniń bolmaýy, jaryqtandyrýdyń jetkiliksizdigi men kópir ústindegi joldyń sapasyzdyǵy anyqtaldy.