Nur-Sultan qalasynda «Jalpyǵa mindetti orta bilim» aksııasy bastaldy. Bul týraly Egemen.kz«Atameken» kásipkerler palatasysyna silteme jasap habarlaıdy.
Aksııany elorda ákimdigi Nur-Sultan qalasynyń kásipkerler palatasynyń qatysýymen bıyl úshinshi jyl uıymdastyryp jatyr. Shara sheńberinde jekelegen sanattaǵy balalardy mektepke daıyndaý úshin materıaldyq kómek kórsetiledi.
«Bıyl aksııa aıasynda jalpy somasy 600 mln teńgege mektepke 15 myń oqýshyny daıyndaý josparlanǵan.
Aksııaǵa mektep formasy men aıaq kıim óndiretin 18 otandyq taýar óndirýshi qosylýǵa nıet bildirdi. Qala boıynsha 30 saýda núktesi jumys isteıdi, onda ata-analar ul-qyzdarǵa arnalǵan mektep formasyn, sonyń ishinde jeıde, blýzka, sarafan, kostıým (pıdjak, keýdeshe, shalbar nemese ıýbka), jempir satyp ala alady», dep habarlady Nur-Sultan qalasy kásipkerler palatasy dırektorynyń orynbasary Beısen Jolboldıev.