Tokıo Olımpıadasynyń qola júldegeri Nurıslam Sanaev memleket tarapynan beriletin qomaqty syıaqyny muqtaj otbasylar men naýqas balalardyń emine jumsamaq, dep jazady Egemen.kz.
«Men es bilgeli qıynshylyqty, joqshylyqty kórip óstim. Sol kezdegi bala arman meni bıik belesterge jeteledi. Eń alǵash sportqa qadam basqanda olımpıadada top jaryp, muqtaj jandarǵa kómektesý armanym bolatyn. Búgin de sol armanyma qol jetkizip otyrmyn. Memleket tarapynan maǵan beriletin qomaqty syıaqyny men muqtaj otbasylar men naýqas balalardyń emine jumsamaqpyn. Elimizde baqytty otbasylardyń sany kóp bolsyn!», dep jazdy sportshy jelide.
Aıta keteıik, elimizde Olımpıadanyń qola júldegerleri úshin 75 myń dollar kóleminde syıaqy qarastyrylǵan.