Bul týraly oblystyq densaýlyq saqtaý basqarmasynyń basshysy Ashan Baıdýálıev málim etti, dep habarlaıdy Egemen.kz.
Onyń aıtýynsha, búgin, 16 tamyzda óńirdegi farmasevtıkalyq qoımaǵa jetkizilgen Vero Cell vaksınasynyń alǵashqy partııasy 10 myń dozany quraıdy. Vaksınanyń 5 myń dozasy I komponentke, 5 myń dozasy II komponentke arnalǵan.
«Qazir Qytaı vaksınasyn aımaqtaǵy egý beketterine bólý júrip jatyr. Vero Cell vaksınasyn 17 tamyzdan bastap saldyrýǵa bolady. Vaksınanyń eki komponenti arasyndaǵy ınterval 21-28 kúndi quraıdy» deıdi Ashan Baıdýálıev.
Qytaılyq Vero Cell vaksınasyn Atyraýdaǵy №1,2,3,4,5,7-qalalyq jáne Geolog emhanasynda, sondaı-aq 7 aýdandyq ortalyq aýrýhanada alýǵa bolady.