О́tken táýlikte elordanyń monıtorıngtik toptary 10 kásipkerlik nysanda karantın talaptary saqtalmaǵanyn anyqtady, dep habarlaıdy Egemen.kz elorda ákimdiginiń resmı saıtyna silteme jasap.
Esil aýdanynda karantın rejımin 4 mekeme saqtamaǵan. Olardyń arasynda «Pinecone», «Tekıla» laýndj-barlary, «Loto club» lotereıa klýby, «Opus One» meıramhanasy bar.
Saryarqa aýdanyndaǵy «Arna», «El plaza», «Astaý» meıramhanalarynda, «Pirat bar» jáne «Skysmoke» kafe-barynda da karantındik shekteýler saqtalmaǵan. Sondaı-aq, tártip buzýshylar tizimine Almaty aýdanynda ornalasqan «Tomırıs» kafesi de endi.
Aıta ketý kerek, ótken úsh kúnde Nur-Sultan qalasynda 37 mekeme shekteý sharalaryn saqtamaǵany anyqtaldy.
Tártip buzýshylarǵa qatysty materıaldar tıisti sharalar qabyldaý úshin sanıtarııalyq-epıdemıologııalyq baqylaý salasyndaǵy ýákiletti organǵa tapsyryldy.