Memleket basshysy Qasym-Jomart Kemeluly belgili jýrnalıst Amangeldi Seıithannyń otbasy men jaqyn týystaryna kóńil aıtty. Bul týraly QR Prezıdentiniń baspasóz hatshysy Berik Ýálıge Facebook-te jazdy, dep habarlaıdy Egemen.kz.
«Belgili jýrnalıst, sport kommentatory Amangeldi Seıithannyń dúnıeden ótýine baılanysty aýyr qaıǵyǵa ortaqtasyp, kóńil aıtamyn.
Amangeldi Mýatqanuly qazaq sport jýrnalıstıkasynyń damýyna ólsheýsiz úles qosty.
Onyń esimi el esinde máńgi saqtalyp, qazaq televızııasynyń tarıhyna altyn áriptermen jazylaryna senimdimin. Marqumnyń aldy peıish, arty kenish bolsyn», dep jazylǵan Prezıdenttiń kóńil aıtý jedelhatynda.