Gaıtıde bolǵan jer silkinisinen zardap shekkenderdiń sany 1 419-ǵa jetti, 7 myńǵa jýyq adam jaraqat aldy. Bul týraly respýblıkanyń azamattyq qorǵaý basqarmasy habarlady, dep jazady Egemen.kz TASS agenttigine silteme jasap.
«Qazirgi ýaqytta azamattyq qorǵanys basqarmasy 1 419 adamnyń qazasyn tirkedi: 1 133 - Ońtústik, 162 - Grand-Ans, 122 - Nıppp jáne ekeýi Soltústik-Batys departamentterinde. Sondaı-aq bizde 6,9 myńnan astam jaraqat alǵandar týraly aqparat bar», dedi vedomstvo ókili.
Bıliktiń málimetinshe, aımaqtaǵy 37 myńnan astam ǵımarat tolyǵymen nemese ishinara qıraǵan, qazirgi ýaqytta qutqarýshylar adamdardy izdeýdi jalǵastyrýda.
Senbi kúni tańerteń Gaıtı aımaǵynda 7,2 balldyq jer silkinisi boldy. Epısentr shamamen 125 myń halqy bar Le-Ke kommýnasynan 40 km qashyqtyqta ornalasqan. Silkiný oshaǵy 10 km tereńdikte bolǵan. Úkimet bir aıǵa tótenshe jaǵdaı rejımin engizdi.