Almatyda koronavırýs ınfeksııasy boıynsha epıdemııalyq ahýal kúrdelenip keledi. Bul týraly О́ńirlik kommýnıkasııalar qyzmetiniń baspasóz konferensııasy barysynda qalanyń bas sanıtarlyq dárigeri Jandarbek Bekshın málimdedi, dep jazady Egemen.kz.
Almaty qalasy bas sanıtarlyq dárigeri kúnine 1,5 myńǵa jýyq turǵyn koronavırýs juqtyryp jatqanyn málimdedi.
«Epıdemııalyq ahýal 28 shildeden beri ýshyǵyp tur, 15 tamyzda 22 800 jaǵdaı, jyl basynan beri – 105,6 myń jaǵdaı tirkeldi», dedi J. Bekshın.
Sanıtarlyq-epıdemıologııalyq mekeme basshysy sońǵy aptada aldyńǵysymen salystyrǵanda «sımptomdy» naýqastar úlesiniń 93%-dan 94%-ǵa deıin óskenin atap ótti.
J. Bekshın Almaty turǵyndaryn qaýipti ınfeksııaǵa qarsy birigýge shaqyrdy.
«Men áleýmettik qashyqtyqty saqtaýǵa, maskalardy durys taǵýǵa jáne olardy jıi aýystyrýǵa, vaksına alýǵa shaqyramyn», dedi megapolıstiń bas sanıtarlyq dárigeri.
Aıta keteıik, Eýropa qalalarynda adamdar vaksıana tapshylyǵynan kezekke turýǵa májbúr. Al Almatyda ekpeni tipti saýda ortalyǵynyń ózinde aqysyz alýǵa bolady. Biraq bul múmkindikti qala turǵyndarynyń barlyǵy birdeı paıdalanbaı otyr. Sondyqtan juqtyrý burynǵydaı 20-39 jas aralyǵyndaǵy almatylyqtar arasynda – 35,6%, 40-59 jastaǵylar arasynda – 24,2% jáne 60 jastan asqandar arasynda – 23%, barlyq jaǵdaılardyń 83%-yn quraıdy.
J. Bekshın 60 jastan asqandardyń juqtyrýy 1,5%-ǵa kóbeıgenin jáne olardyń aýyr halde jetkiziletini men 1 jasqa deıingi sábılerdiń de dert juqtyratyny alańdatatynyn aıtty.