1 qyrkúıekten bastap elimizdiń birneshe óńirinde tutynýshylar úshin elektr qýatynyń tarıfi qymbattaıdy, dep habarlaıdy Egemen.kz.
Ortalyq kommýnıkasııalar qyzmetinde ótken brıfıngide Tabıǵı monopolııalardy retteý komıteti tóraǵasynyń mindetin atqarýshysy Ashat Japsarbaı elektr qýatynyń tarıfi jaıly aqparat berdi.
«Shynymen de, Energetıka mınıstrligi elektr qýatyn óndirýshi uıymdar úshin tarıfti orta eseppen 15 paıyzǵa kótergen bolatyn. Qarapaıym elektr tutynýshylarǵa onyń áseri qandaı bolatynyna kelsek, qazir bul másele pysyqtalyp jatyr. Tarıf orta eseppen 7,2 paıyzǵa ósedi. Iаǵnı óńirler arasynda aıyrmashylyq bolady. Bul tarıfti kótergen kezde qarapaıym halyqqa áser etpeıtindeı etip ótkizýge tyrysamyz. Iаǵnı saralanǵan tarıf belgileımiz. Osynyń arqasynda qarapaıym halyqqa aýyr tımeıtindeı tarıf bekitiledi dep úmittenemiz», dedi komıtet basshysy.
Onyń aıtýynsha, 1 qyrkúıekten bastap birneshe óńirde tarıf jospar boıynsha kóterilmek.
«Tarıf 1 qyrkúıekten bastap kóteriledi. 1 sáýirden bastap elektr óndirýshileri úshin tarıf kóterilgen bolatyn. 1 shildede tarıfterdiń bir bóligin kóterdik. Baıandamada 7 paıyz dep aıtqanym osy bolatyn. 1 qyrkúıekten bastap tarıf kóterilip úlgermegen óńirlerde ózgeris bolady. Sonda respýblıka boıynsha orta eseppen 3,5 paıyz paıyz bolýy kerek», dep naqtylady Ashat Japsarbaı.