Qazaqstannyń birinshi, álemniń 19-raketkasy Elena Rybakına juptyq synda Sınsınnatı WTA 1000 týrnıriniń ekinshi aınalymyna shyqty, dep habarlaıdy Egemen.kz.
E.Rybakına reseılik Veronıka Kýdermetovamen birge alǵashqy aınalymda týnıstik Ons Jaber – úndistandyq Sanıa Mırzamen kezdesti.
Qazaqstandyq-reseılik jup 7:5, 6:2 esebimen jeńiske jetti. Bir saǵattan astam ýaqytqa sozylǵan matchta Rybakına men Kýdermetova 1 eıs jasap, 6 breık-poınttyń tórteýin paıdalandy. Qarsylastary 2 eıs, 1 breıkpen shekteldi.
E.Rybakına men V.Kýdermetova shırek fınalǵa shyǵý úshin osy jarystyń 4-raketkalary, amerıkalyq Nıkol Melıchar – nıderlandylyq Demı Shıýrspen kúsh synasady.
Taǵy bir qazaqstandyq, álemniń 36-raketkasy Iýlııa Pýtınseva jekeleı synda úshinshi aınalymǵa shyǵa almady. Ol álemniń 6-raketkasy, chehııalyq Karolına Plıshkovaǵa 3:6, 2:6 esebimen jol berdi.
Bir saǵattan astam ýaqytqa sozylǵan bul kezdesýde chehııalyq tennısshi 5 eıs, 3 breıkke qol jetkizdi. Iý.Pýtınseva 4 eıs jasaǵanymen, birde-bir breık jasaı alǵan joq.
E.Rybakına jekeleı synda álemniń 31-raketkasy, ıspanııalyq Paýla Badosamen sheberlik baıqasady. Ol 2 saǵat 20 mınýtqa sozylǵan tartysty básekede álemniń 3-raketkasy, Belarýs ókili Arına Sobolenkony 5:7, 6:2, 7:6 (7:4) esebimen utyp ketti.