Atyraý oblysynda alǵash ret mektep tabaldyryǵyn attaıtyn balalardyń sany anyqtaldy, dep habarlaıdy Egemen.kz.
Oblystyq bilim basqarmasy basshysynyń orynbasary Aınagúl Dúısekenovanyń málimetinshe, birinshi synypqa baratyn 14 241 balanyń qujaty qabyldanǵan.
«Bıyl 1-synyp oqýshylarynyń qujattaryn qabyldaý jańa formatta – elektrondy úkimettiń saıty arqyly uıymdastyryldy. Qujattardyń 98%-y elektrondy, al, 2%-y qaǵaz túrinde qabyldandy. О́ıtkeni, ata-analardyń nemese balalardyń qujattarynda qatelikter anyqtaldy. Oblysta 14 241 bala 1-synypqa qabyldandy. Mektep tabaldyryǵyn alǵash ret attaıtyn oqýshylar úshin 1 qyrkúıekte ashyq aýada sanıtarııalyq-epıdemıologııalyq normalarǵa sáıkes saltanatty jıyn bolady. Balanyń qasynda ata-anasynyń tek bireýi ǵana júre alady. Otbasynyń basqa músheleri qatysa almaıdy», deıdi Aınagúl Dúısekenova.