Qytaı kólik mınıstrliginiń habarlaýynsha, Nagchý qalasy men Tıbet avtonomdy aýdanynyń astanasy Lhasany jalǵaıtyn álemdegi eń bıik avtokólik joly paıdalanýǵa berildi. О́tken senbide Nagchý men Iаngbajaın arasyndaǵy 227 shaqyrymdyq sońǵy ýchaske ashylyp, avtoban tolyqtaı iske qosyldy.
Ortasha bıiktigi 4500 metrden asatyn, 295 shaqyrymǵa sozylatyn Nagchý-Lhasa avtokólik joly – Pekın men Lhasany baılanystyratyn ekspress jol bóligi. Sondaı-aq Lhasa men Tıbettiń soltústigin baılanystyratyn birinshi magıstral.
Osylaısha, Lhasa men Nagchý qalasy arasyndaǵy joldy júrip ótý ýaqyty alty saǵattan úsh saǵatqa deıin qysqardy. Mınıstrlik ókilderiniń aıtýynsha, Tıbetti Qytaıdyń soltústik-batysyndaǵy Sınhaı provınsııasymen baılanystyratyn joldyń múmkindikteri mol. Sonymen qatar qaýipsizdik deńgeıi de joǵary.