Qazaq-qyrǵyz shekarasynda kontrabandalyq júk tasymaldaǵan azamat ustaldy, dep habarlaıdy Egemen.kz.
21 tamyzda shekarashylar «Qarasý» avtomobıl ótkizý pýnktinde (Jambyl oblysy) «Mercedes-Benz» markaly avtomobıl salonyn tekserý barysynda otyrǵyshtyń astynan polıetılen paketterge oralǵan kúmis buıymdar jasyrylǵan qupııa oryndy anyqtady. Brıketterdiń jalpy salmaǵy – 50 keli 516 gramm. Buıymdardyń aldyn ala baǵalaý quny 16 mln teńgeni qurady.
Atalǵan fakt SDTBT-da tirkeldi. Ustalǵan azamat jáne kontrabandalyq júk odan ári prosessýaldyq is-áreketter júrgizý úshin Jambyl oblysy boıynsha Ekonomıkalyq tergeý departamentine jóneltildi.Shekara qyzmeti kontrabandalyq júk tasymaldaý arnalaryn jabý boıynsha qarqyndy is-sharalardy jalǵastyrýda.