Búginde álemdegi eń damyǵan memleketter bilim men ǵylymdy negizgi kapıtal retinde qarastyrady. Qazaqstan da osy baǵytty ustanyp otyr. Sondyqtan «Sırıýs − Qazaqstan» jobasy elimizdiń bolashaǵy úshin erekshe mańyzdy jobalardyń biri bolmaq.
Qazirgi tańda Qazaqstan aldynda birneshe mańyzdy mindet tur: ekonomıkany ártaraptandyrý, shıkizatqa táýeldilikti azaıtý, tehnologııalyq táýelsizdikti kúsheıtý, ǵylym men ınnovasııany damytý, ınjenerlik jáne IT salalaryn jańa deńgeıge kóterý. Bul mindetterdi oryndaý úshin eń aldymen sapaly adamı kapıtal qajet. Al «Sırıýs − Qazaqstan» jobasy dál osyndaı jańa býyn mamandaryn daıyndaýǵa negiz bolady.
«Sırıýs» mektepterinde «Adal Azamat» tárbıe baǵdarlamasy oqytylady
Jobanyń taǵy bir mańyzdy artyqshylyǵy – oqýshylardy erte jastan zertteý mádenıetine, analıtıkalyq oılaýǵa jáne naqty máselelerdi sheshýge úıretýi. Kóp jaǵdaıda dástúrli bilim berý júıesi teorııaǵa kóbirek kóńil bóledi. Al bul joba tájirıbelik jáne jobalyq jumystarǵa basymdyq beredi. Oqýshylar ǵylymı zertteýler júrgizip, ınjenerlik sheshimder usynyp, zamanaýı tehnologııalarmen jumys isteýdi úırenedi. Bul bolashaqta olardyń halyqaralyq deńgeıde básekege qabiletti maman bolyp qalyptasýyna múmkindik beredi.
Almatyda «Sırıýs» mektebi men bilim berý ortalyǵynyń irgetasyn qalaý rásimi ótti
Sonymen qatar joba óńirlik bilim teńsizdigin azaıtýǵa da yqpal etýi múmkin. Qazaqstannyń ár aımaǵynda talantty balalar bar, biraq olardyń barlyǵy birdeı sapaly bilim men zamanaýı resýrstarǵa qol jetkize almaıdy. Joba osyndaı oqýshylarǵa jańa múmkindik ashyp, olardyń qabiletin damytýǵa jaǵdaı jasaıdy. Bul áleýmettik ádildik pen bilimdegi teń múmkindiktiń mańyzdy kórinisi.
Menińshe, bul mektepterdiń elimizdiń bilim júıesine áseri óte úlken bolady. Birinshiden, olar jańa bilim standarttaryn qalyptastyrady. Iаǵnı, basqa mektepter de osy tájirıbege qarap, oqytý tásilderin jańarta bastaıdy. Ekinshiden, muǵalimderdiń kásibı deńgeıin kóterýge yqpal etedi. О́ıtkeni joba aıasynda halyqaralyq tájirıbe, jańa ádistemeler men zamanaýı pedagogıkalyq tehnologııalar engiziledi. Úshinshiden, mektepter arasynda básekelestik artyp, bilim sapasyna degen talap kúsheıedi.
Zúlfııa Tórebekova,
Y.Altynsarın atyndaǵy Ulttyq bilim akademııasynyń Prezıdenti