Qazaqstandaǵy alǵashqy atom elektr stansııasynyń qurylysy Reseıdiń memleketaralyq eksporttyq nesıesi arqyly qarjylandyrylady. Bul týraly Atom energııasy agenttiginiń tóraǵasy Almasadam Sátqalıev málimdedi, dep jazady Egemen.kz.
«Bul uzaq merzimdi nesıe bolady. Sharttary Qazaqstan úshin óte tıimdi. Bul másele Qazaqstannyń Qarjy mınıstrliginiń quzyretine kiredi», dedi Almasadam Sátqalıev.
Qazirgi ýaqytta alańda ınjenerlik izdestirý jumystary bastalyp ketken. Tikeleı qurylys jumystaryna kóshý 2027 jylǵa josparlanǵan (alǵashqy beton quıý kúni). Birinshi blokty paıdalanýǵa berý 2034 jylǵa, ıaǵnı qurylys bastalǵan kúnnen bastap 7 jylǵa josparlanǵan. Orta eseppen mundaı nysandardyń qurylysy 10 jylǵa deıin sozylady.
Balqash pen Kýrchatovtan bólek taǵy bir óńirde AES salynýy múmkin
Búgin Qazaqstan men Reseı AES salý jáne ony Reseıdiń eksporttyq nesıesi esebinen qarjylandyrý týraly qujattarǵa qol qoıdy.
Qazaqstanda ekinshi AES Balqash mańynda salynýy múmkin
Buǵan deıin Qazaqstandaǵy alǵashqy AES qurylysynyń qashan bastalatynyn jazǵan edik.