Azamattardy qoljetimdi baspanamen qamtamasyz etý memlekettiń negizgi áleýmettik basymdyǵynyń biri bolyp qala beredi. Alaıda, alǵa qoıǵan maqsattarǵa qol jetkizý úshin búginde ınjenerlik ınfraqurylymdy qarjylandyrýǵa jáne azamattardyń áleýmettik osal sanattaryn turǵyn úımen qamtamasyz etýge baılanysty júıeli shekteýlerdi ýaqtyly joıý mańyzdy, dep jazady Egemen.kz.
Senat depýtaty Bekbol Orynbasarov jańa júıege kóshý óńirlerdiń naqty qajettiligi men bólinetin qarajat arasyndaǵy aıtarlyqtaı alshaqtyqty kórsetetinin aıtady.
«Naqty qajettilik 184 mlrd teńgeni qurasa, bıyl nebári 26,6 mlrd teńgeni qurap otyr. Bul tereń alshaqtyq qurylys júrgiziletin jańa alańdardy daıyndaýdy aıtarlyqtaı tejeıdi jáne turǵyn úı men ınfraqurylymdyq nysandardy iske qosýdyń josparly kórsetkishteriniń buzylý qaýpi qalyptasady», dep atap ótti Bekbol Orynbasarov.
Depýtattyń pikirinshe, qazirgi jaǵdaıda ınjenerlik-kommýnıkasııalyq ınfraqurylymdy qarjylandyrý tásilderin qaıta qaraý talap etiledi, óıtkeni qurylys alańdaryn ýaqtyly daıyndaý turǵyn úı qurylysynyń qarqynyna jáne jobalardy iske asyrý qunyna tikeleı áser etedi.
Bıyl 650 kóppáterli turǵyn úıge jóndeý jumystary júrgiziledi
«Qurylys sektoryn qarjylandyrý tásilderin ózgertpeı jáne ınfraqurylymdyq tapshylyqty joımaı, uzaq merzimdi perspektıvada azamattardy baspanamen qamtamasyz etý boıynsha memlekettiń strategııalyq mindetterin oryndaý múmkin bolmaıdy», dep atap ótti depýtat.
Senatordyń pikirinshe, azamattardyń áleýmettik osal sanattaryn turǵyn úımen qamtamasyz etý, sondaı-aq jalǵa beriletin turǵyn úı qurylysynyń kólemin ulǵaıtý úshin qosymsha qarjy tetikterin izdeý máselesi erekshe nazar aýdarýdy talap etedi.
Astanada zańsyz salynyp jatqan kópqabatty turǵyn úı qurylysy toqtatyldy