«Astana LRT» kompanııasynyń burynǵy basshysy Talǵat Ardan Qazaqstanǵa ekstradısııalanýy múmkin, dep habarlaıdy Egemen.kz KTK arnasyna silteme jasap.
«Astana LRT» kompanııasynyń qashqyn basshysy ornalasqan memleket ony qamaýǵa alýǵa order berdi. Er adamnyń naqty ornalasqan jerin sheteldik barlaý organdary belgileıdi.
Bul rette kúdiktiniń qaıda jasyrynǵany otandyq Sybaılas jemqorlyqqa qarsy qyzmette naqtylanbady. Alaıda, ol shetelde qamaýǵa alynǵannan keıin birden Qazaqstanǵa ekstradısııalanýy talap etiletini belgili.
Otanǵa Qanat Sultanbekov te oralýy múmkin. Kompanııanyń qashqyn basshysynan aıyrmashylyǵy, elorda ákiminiń burynǵy orynbasarynyń ornalasqan jeri belgili. Ol AQSh-ta jasyrynǵan.
Eske sala ketsek, Qanat Sultanbekov pen Talǵat Ardanǵa elordalyq LRT qurylysy kezinde sybaılas jemqorlyqtyń uıymdastyrýshylary boldy degen aıyp taǵyldy. Sot prosesi bastalmaı turyp, ekeýi de elden qashyp úlgerdi. Interpol jelisi boıynsha olar eki jylǵa jýyq ýaqyt boıy izdeýde boldy. Osy ýaqyt ishinde istiń qalǵan fıgýranttary ár túrli merzimge túrmege qamalyp, qazynaǵa 6 mıllıard teńgege jýyq qarjyny qaıtarý mindetteldi.