Aqtóbede jol-kólik apatynan 55 jastaǵy turǵyn kóz jumdy. Oqıǵa oblys ortalyǵyndaǵy Mánshúk Mámetova kóshesinde boldy, dep habarlaıdy Egemen.kz.
Aqtóbe qalasynda jol-kólik apaty jıiledi. Bıyl 200-ge jýyq jol apatynan 20 adam kóz jumǵan. Onyń toǵyzy jaıaý júrginshi.
«Aqtóbe qalasyndaǵy Mánshúk Mámetova kóshesinde jol-kólik oqıǵasy boldy. 55 jastaǵy júrginshi joldy belgilenbegen jerden kesip ótpek bolǵan. Saldarynan 23 jastaǵy qyzdyń kóliginiń astyna túsip qaldy. Jábirlenýshi oqıǵa ornynda mert boldy.
Qazir qylmystyq is qozǵalyp, tergeý júrip jatyr», dedi oblystyq PD baspasóz qyzmetiniń jetekshisi Erbolat Sarqulov.